頭髮

沒錯, 公司要裁員了, 我現在還在寫blog, 而且在辦公時間, 博炒嗎? 其實一路以來都是在辦公時間才寫的, 回到家已經很累啦, 而且有更多其他的娛樂, 何必再開電腦傷眼呢?

大約一個月前, 我發了一個夢, 公司炒我, 因為電腦紀錄到我經常瀏覽網頁。

其實坐在辦公室十個小時, 不做做其他事真的會瘋掉, 尤其是已經做完手頭的工作, 其他工作又未迫到埋身的時候。有次, 我坐在位子一個早上四個多小時都未起過身, 起身o個陣隻腳麻痺左...

個個都話我地呢一代好好彩, 找工o個年係沙士, 依家又比我地見識到"百年難得一見"的金融海啸。

你睇到呢度係咪覺得我寫的東西同個標題好似唔多有關? 係呀,其實我想講下剪頭髮的事。唔知點解, 成日有種錯覺就係越有名的salon就越剪得好, 其實係咪架呢? 以前細個去阿媽剪過o個間髮型屋,拎住靚靚張相話我要剪呢個頭, 鬍鬚髮型師就話:"o拿,人地係名星黎架,你唔好期望剪出黎同佢一模一樣呀!" 我夠知啦,你剪唔到一模一樣就真啦! 之後我自己去唔同的髮型屋試, 始終都找不到一個合心水的, 佢地成日都話我個頭好難剪。唔知點解, 佢地梗係gel 到自己個頭好亂, 著到好不羈, 然後會問你好多問題, 但o個d問題係同你個頭無關, 佢地唔會比你靜靜咁睇雜誌, 會問你最近有冇睇咩電影, 做邊行,有咩嗜好等等, 真係好驚佢傾時傾,會唔會剪衰我個頭。

我細佬以前細個o向街邊找個阿伯剪, 係呀,係街度剪, 剪得好好架, 都只係二十蚊。不過依家個阿伯都唔見左勒。其實我覺得自己對剪頭髮都幾有天份架, 你快d比我剪!